ലൈഫ് മിഷൻ കേസിൽ സിബിഐ അന്വേഷണം തുടരാമെന്ന് ഹൈക്കോടതി വിധിക്കെതിരായ സംസ്ഥാന സർക്കാറിന്റെ ഹർജി നാളെ സുപ്രിംകോടതി പരിഗണനയ്ക്ക് എടുക്കും . ലൈഫ് മിഷൻ സിഒയുടെ ഹർജി ജസ്റ്റിസ് അശോക് ഭൂഷൺ അധ്യക്ഷനായ ബെഞ്ചാണ് പരിഗണിക്കുക. കേസിൽ സിബിഐയുടെ എഫ്‌ഐആർ റദ്ദാക്കണമെന്നാണ് ഹർജിയിൽ ലൈഫ് മിഷൻ സിഇഒ ആവശ്യപ്പെടുന്നത്.യുഎഇ കോൺസുലേറ്റുമായി ബന്ധപ്പെട്ട് ഉണ്ടാക്കിയിരിക്കുന്ന കരാർ വിഷയങ്ങളിൽ അന്വേഷണം വേണമെന്നും ഇതിൽ ദുരൂഹതയുണ്ടെന്നും ഹൈക്കോടതി നിരീക്ഷിച്ചു . കേസിൽ ഹൈക്കോടതിയിൽ റിട്ടും അപേക്ഷയുമാണ് നൽകിയിരുന്നത്. ഇതു രണ്ടും തള്ളിക്കൊണ്ടായിരുന്നു ഹൈക്കോടതിയുടെ ഉത്തരവ്.സുപ്രിംകോടതിയിൽ അർജന്റ് പെറ്റീഷൻ സമർപ്പിച്ചതിനാലാണ് കേസ് സുപ്രിംകോടതി നാളെ അടിയന്തരമായി പരിഗണിക്കുന്നത്.