കൊവിഡ് ബാധിച്ച സൈനികന്‍ മരിച്ചു. ഇന്ത്യന്‍ കരസേന ബ്രിഗേഡിയറാണ് മരിച്ചത്. അലിപൂരിലെ സൈനികാശുപത്രിയില്‍ വെച്ചാണ് ബ്രിഗേഡിയര്‍ വികാസ് സാമ്യാല്‍ മരിച്ചത്.

കൊല്‍ക്കത്തയിലെ ഈസ്റ്റേണ്‍ കമാന്‍ഡില്‍ ജോലിചെയ്യുകയായിരുന്നു ഇദ്ദേഹം. കൊവിഡ് ബാധിച്ച് മരിക്കുന്ന കരസേനയിലെ ഏറ്റവും ഉയര്‍ന്ന റാങ്കിലുള്ള ഉദ്യോഗസ്ഥനാണ് വികാസ്.

അതേസമയം രാജ്യത്ത് കൊവിഡ് രോഗികളുടെ എണ്ണം ആറുലക്ഷം കടന്നു. ഇതുവരെ 6,04,641 പേര്‍ക്കാണ് കൊവിഡ് സ്ഥിരീകരിച്ചത്. ഇന്നലെ 19,148പേര്‍ക്ക് സ്ഥിരീകരിച്ചു. കഴിഞ്ഞ 24 മണിക്കൂറിനിടെ 434 പേരാണ് കൊവിഡ് മൂലം മരിച്ചത്.