വ്യാജ കൊവിഡ് വാക്സിനെതിരെ സംസ്ഥാനങ്ങൾക്ക് മുന്നറിയിപ്പുമായി കേന്ദ്രസർക്കാർ. വാക്സിനുകളുടെ ഗുണനിലവാരം സംസ്ഥാനങ്ങൾ ഉറപ്പുവരുത്തണമെന്ന് കേന്ദ്രസർക്കാർ നിർദേശിച്ചു. കൊവാക്സിന്റേയും കൊവിഷീൽഡിന്റേയും ഗുണനിലവാരം പരിശോധിക്കുന്നതിനുള്ള മാർഗനിർദേശം കേന്ദ്രസർക്കാർ സംസ്ഥാനങ്ങൾക്ക് നൽകി.

വ്യാജ വാക്സിനുകൾ സംബന്ധിച്ച്‌ ആരോപണം ഉയർന്ന പശ്ചാത്തലത്തിൽ വിശദമായ പരിശോധന നടത്തുമെന്ന് കേന്ദ്രആരോഗ്യമന്ത്രി മൻസൂഖ് എൽ മാണ്ഡവ്യ അറിയിച്ചിരുന്നു. എന്നാൽ വ്യാജ വാക്സിൻ സംബന്ധിച്ച്‌ ഒരു സംഭവം പോലും രാജ്യത്ത് റിപ്പോർട്ട് ചെയ്തിട്ടില്ലെന്നാണ് മന്ത്രി പിന്നീട് അറിയിച്ചത്. ഇതിന്റെ തുടർച്ചയായാണ് സംസ്ഥാനങ്ങൾക്ക് കേന്ദ്രസർക്കാരിന്റെ നിർദേശം.